A News Website
ksr
Home Books About US Contact US
 
 
 
 
 
ఎపిలో కొత్త జిల్లాలు -తీసుకోవలసిన జాగ్రత్తలేమిటి?
Share |
August 5 2020, 1:55 am

ఆంద్రప్రదేశ్ ప్రభుత్వం కొత్త జిల్లాలకు సిద్దం అయింది. అందుకసం ఒక అదికారిక కమిటీని కూడా నియమించింది. మూడు,నాలుగు దశాబ్దాల కిందట ఏర్పాటైన జిల్లాల వ్యవస్థలో ఇప్పుడు మార్పు తీసుకు రాబోతున్నారు. ముఖ్యమంత్రి జగన్ తన ఎన్నికల ప్రణాళికలోనే ప్రతి పార్లమెంటరీ నియోజకవర్గాన్ని ఒక జిల్లా చేస్తామని ప్రకటించారు.ఆ హామీలను నెరవేర్చే క్రమంలో ఆయన అడుగులు వేస్తున్నారు. దేశంలో జిల్లాల వ్యవస్థ అన్ని రాష్ట్రాలలో ఒకే రకంగా లేదు. నిజానికి కేంద్రం దీనికి కొన్ని మార్గదర్శకాలు తయారు చేసి ఉంటే బాగుండేది. ఆయా రాష్ట్రాల జనాభాను పరిగణనలోకి తీసుకుంటే కొన్ని రాష్ట్రాలలో ఎక్కువ జిల్లాలు, మరికొన్ని రాష్ట్రాలలో తక్కువ జిల్లాలు ఉన్నట్లు అర్దం అవుతుంది. కేంద్రం పలు స్కీములను జిల్లా ప్రాతిపదికన అమలు చేస్తుండడంతో ఎక్కువ జిల్లాలు ఉండడం ఉపయోగమని ఆయా రాష్ట్ర ప్రభుత్వాలు భావిస్తున్నారు. తెలంగాణ రాస్ట్రం ఏర్పడిన తర్వాత ముఖ్యమంత్రి కెసిఆర్ పది జిల్లాలను 33 జిల్లాలుగా మార్చారు. ఒక్క హైదరాబాద్ ను తప్ప మిగిలిన అన్ని జిల్లాలను ఆయన విభజించారు.దీనివల్ల ఆయా చోట్ల రియల్ ఎస్టేట్ కార్యకలాపాలు కాని, భవన నిర్మాణం వంటి ఆర్దిక కార్యకలాపాలు కాని పుంజుకున్నాయని భావిస్తున్నారు. తెలంగాణలో పదిహేడు లోక్ సభ నియోజకవర్గాలే ఉన్నప్పటికీ దాదాపు రెట్టింపు జిల్లాలు ఏర్పడడం విశేషం. కొన్ని జిల్లాలు అయితే ఒకటి,రెండు అసెంబ్లీ నియోజకవర్గాలకే పరిమితం అయ్యాయి. అక్కడ జిల్లా కలెక్టర్ ల పరిస్థితి ఆర్డిఓ కన్నా తక్కువ గా ఉందన్న భావన కూడా ఉంది. అయినా ప్రజలకు అది మేలు చేస్తే మంచిదే.కాని రాజకీయ ఒత్తిళ్ల కోసమే అయితే పెద్దగా ఉపయోగం ఉండవకపోవచ్చు. ఉత్తరప్రదేశ్ లో 80 లోక్ సభ నియోజకవర్గాలు ఉండగా, 75జిల్లాలు ఉన్నాయి.అరుణాచల్ ఈశాన్యంలోని ఒక చిన్న రాష్ట్రం.కాని అక్కడ 25 జిల్లాలు ఉన్నాయట.బీహారులో 38, చత్తీస్ గర్ లో 27, హర్యానాలో 22,మహారాష్ట్రలో 36, పశ్చిమబెంగాల్ లో 23 జిల్లాలు ఉన్నాయి. ఈ రాష్ట్రాలలో లోక్ సభ నియోకవర్గాలకు, జిల్లాలకు సంబందం లేదు. బెంగాల్, మహారాస్ట్రలలో లోక్ సభ నియోజకవర్గాల కన్నా తక్కువగా ఉంటే, హర్యానా, చత్తీస్ గడ్, హిమాచల్ ప్రదేశ్ వంటి చోట్ల లోక్ సభ నియోజకవర్గాలకన్నా ఎక్కువ జిల్లాలు ఉన్నాయి.ఈ నేపద్యంలో ఎపి పరిస్తితిని విశ్లేషించుకోవచ్చు. ఎపిలో 25 లోక్ సభ నియోజకవర్గాలు ఉండగా, 13 జిల్లాలు ఉన్నాయి.కొన్ని జిల్లాలలో జిల్లా కేంద్రానికి వెళ్లాలంటే 100నుంచి 150కి.మీ.దూరం కూడా వెళ్లవలసిన పరిస్థితి ఉంటుంది. ఉదాహరణకు కృష్ణా జిల్లాలో జగ్గయ్య పేట కు,జిల్లా కేంద్రమైన మచిలీపట్నానికి మద్య 150 కి.మీ.దూరం ఉటుంది.వంద కిలోమీటర్ల దూరంలో ఉండే పట్టణాలు ఆయా జిల్లాలలో చాలానే ఉంటాయి.అందువల్ల కొత్త జిల్లాలు ఏర్పాటు మంచిదే. కాని పార్లమెంటు నియోజకవర్గం అంటే కూడా కొన్ని సమస్యలు రావచ్చు. ఉదాహరణకు నెల్లూరు కు 30 కి.మీ లోపు ఉన్న గూడూరు, సర్వేపల్లి అసెంబ్లీ నియోజకవర్గాలు ,కొత్త సూత్రం ప్రకారంతిరుపతి లోక్ సభ నియోజకవర్గంలో కలుస్తాయి.వీరికి తిరుపతి వంద కిలోమీటర్ల రూరంపైనే ఉంటుంది. మరి తమకు ఏమి ఉపయోగం అని వీరు ప్రశ్నిస్తున్నారు. రాజంపేట లోక్ సభ నియోజకవర్గంలో చిత్తూరు జిల్లాకు చెందిన మదనపల్లె,తంబళ్లపల్లె, పుంగనూరు,పీలేరు ఉన్నాయి. వీటికి రాజంపేట చాలా దూరం. కొత్త జిల్లా చేసి రాజంపేట కేంద్రంగా ఉంటే తమకు ఏమి ప్రయోజనం అని వీరు ప్రశ్నిస్తున్నారు.ఇలా దాదాపు అన్ని జిల్లాలలో ఎంతో కొంత మేర ఇలాంటి సమస్యలు కూడా ఉండవచ్చు.దీనికి ఒక సమాధానం ఉంది. జిల్లాకేంద్రానికి వెళ్లవలసిన అవసరం ఎంతమందకి వస్తుందన్నది ఒకటైతే, ఎపిలో వైఎస్ ఆర్ కాంగ్రెస్ ప్రభుత్వం గ్రామ సచివాలయ వ్యవస్థ ను నెలకొల్పిన తర్వాత 95శాతం ప్రజలకు మండల కేంద్రంతోనే పని ఉండదు..జిల్లాకేంద్రంతో పని ఏముంటుందన్న ప్రశ్న రావచ్చు. అయినప్పటికీ మానసికంగా జిల్లాల విభజనతో తమకు జిల్లాకేంద్రం చాలా దూరం అన్న భావన ఏర్పడుతుంది.దీనిని ప్రతిపక్ష రాజకీయ పార్టీలు తనకు అనుకూలంగా మార్చుకునే అవకాశం ఉంటుంది.అంతదాకా ఎందుకు సీనియర్ నేత ధర్మాన ప్రసాదరావు వంటివారు కొత్త జిల్లాల ఏర్పాటుపై భిన్నాభిప్రాయం వ్యక్తంచేశారు. కాని ఆయన ఎన్నికల ప్రణాళిక లో పెట్టినప్పుడే తన అభిప్రాయం చెప్పగలిగి ఉంటే బాగుండేది. రాష్ట్రం అంతటా జిల్లాల విభజన చేసినప్పుడు ఏదో ఒక ఫార్ములా అమలు చేయకపోతే రాజకీయ ఒత్తిళ్లు పెరుగుతాయి.తెలంగాణ లో మాదిరి ఎన్ని జిల్లాలు అయినా పర్వాలేదు అనుకుంటే అది వేరే విషయం. కాని ఎక్కువ జిల్లాల వల్ల రాష్ట్ స్తాయి నుంచి పాలన నిర్వహణలో కొన్ని సమస్యలు వస్తాయి. ఏ మూల ఏమి జరుగుతుందో తెలుసుకోవడం సమస్య కావచ్చు.పార్లమెంటు నియోజకవర్గం ఉన్నంతలో బెటర్ కావచ్చు.దాని వల్ల ఆయా పాలన వ్యవస్థ, రాజకీయ వ్యవస్థ కో టెర్మినస్ గా ఉంటాయి.ఇది కొంత ఉపయుక్తంగా ఉండవచ్చు.కాని కొత్త జిల్లాల ఏర్పాటు వల్ల జిల్లా కేంద్రం దూరం అవుతుందనుకుంటే దానికి ప్రత్యామ్నాయంగా జిల్లా కలెక్టర్ క్యాంప్ ఆఫీస్ లను ఆయా చోట్ల పెట్టడం ఒక పరిష్కారం కావచ్చు.ఉదాహరణకు తిరుపతి లోక్ సభ నియోజకవర్గంలో ఉన్న గూడూరు లో ఈ క్యాంప్ ఆఫీస్ ను పెట్టవచ్చు.అలాగే నెల్లూరు లోక్ సభ నియోజకవర్గంలో భాగంగా ఉన్న కందుకూరు వద్ద క్యాంప్ ఆఫీస్ పెట్టవచ్చు.అలాగే రాజంపేట, మదనపల్లె సమస్య పరిష్కారం కావచ్చు.గిరిజన నియోజకవర్గం అరకు శ్రీకాకుళం, విజయనగరం, విశాఖపట్నం, తూర్పు గోదావరి జిల్లాలకు విస్తరింంచింది. దీనిని అంతటిని ఒక జిల్లాగా ఏర్పాటు చేయడం అసాద్యం.అందువల్ల దానిని రెండు జిల్లాలు చేయాలని ప్రతిపాదించారు.అదే సమయంలో కొన్ని జిల్లాలకు కొత్త పేర్లు కూడా రావచ్చు.ఇప్పటికే మచిలీపట్నం జిల్లాకు ఎన్.టి.ఆర్.పేరు పెడతామని జగన్ తన ఎన్నికల ప్రచారంలో ప్రకటించారు.అలాగే నరసాపురం లోక్ సభ నియోజకవర్గానికి అల్లూరి సీతారామరాజు పేరు పెడుతామని అన్నారు.ఇప్పుడు కొత్త జిల్లాల పేర్లపై మరిన్ని డిమాండ్లు రావచ్చు.వాటిక ఒక ప్రాతిపదిక ఏర్పాటు చేసుఓకపోతే తలనొప్పి వస్తుంది.ఏది ఏమైనా అధికారిక కమిటీ ఈ సమస్యలను ఎలా పరిష్కరిస్తుందన్నది ఆసక్తికరమైన అంశం.మొత్తం మీద ఎన్నికల హామీ అమలు చేయడానికి ఆయన సిద్దం అయ్యే ఈ కొత్త జిల్లాల ఏర్పాటులో కొత్త సమస్యలు రాకుండా జాగ్రత్తపడి అడుగులు ముందుకు వేయడం మంచిదని చెప్పాలి.

tags : ap, new districts

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info