A News Website
ksr
Home Books About US Contact US
 
 
 
 
 
రిజర్వాయర్ల లో నీళ్లు లేకపోవడంపై జగన్..
Share |
January 24 2020, 9:43 am

ఇంతగా వర్షాలు పడి.. దేవుడు ఈ సంవత్సరం మంచిగా నీళ్లు ఇచ్చినా రాయలసీమ ప్రాజెక్టులకు నింపుకోలేకపోవడంపై ముఖ్యమంత్రి వైఎస్‌ జగన్‌మోహన్‌రెడ్డి ఆందోళన వ్యక్తం చేశారు. అసెంబ్లీలో ఆయన మాట్లాడారు. టిడిపి ఎమ్మెల్యే నిమ్మల రామానాయుడు మాట్లాడుతూ ఈసారి వర్షాలుబాగా కురిసినా ,వరదలు వచ్చినా, రాయలసీమలోని రిజర్వాయిర్ లను ఎందుకు నింపలేకపోయారని ప్రశ్్నించారు.దానిపై ముఖ్యమంత్రి జోక్యం చేసుకుని మాట్లాడారు. ఇంత వర్షాలు పడుతున్నా ప్రాజెక్టులు నింపుకోకపోవడానికి గత చంద్రబాబు ప్రభుత్వమే కారణమని, ప్రాజెక్టులకు సంబంధించిన ఆర్‌ అండ్‌ ఆర్‌ ప్యాకేజీ పనులు చేపట్టకపోవడం, కాల్వల మరమ్మతులను పట్టించుకోకపోవండంతోనే ఈ దుస్థితి వచ్చిందనని జగన్ అన్నారు. తమ ప్రభుత్వం అధికారంలోకి వచ్చి ఆరు నెలలే అవుతుందని, కానీ, గత చంద్రబాబు ప్రభుత్వం గడిచిన పరిపాలనలో ప్రాజెక్టుల మీద శ్రద్ధపెట్టి చిత్తశుద్ధితో పనిచేసి ఉంటే.. రాయలసీమలోని ప్రాజెక్టుల మరమ్మతులు పూర్తిచేసి.. కాల్వల సామర్థ్యాన్ని పెంచి ఉంటే.. ప్రతి బొట్టును ఒడిసిపట్టి ఉండేవాళ్లమని, రాయలసీమ ప్రాజెక్టుల్లో పుష్కలంగా నీళ్లు ఉండేవని అన్నారు. ఇంత నిర్లక్ష్యంగా వ్యవహరించిన చంద్రబాబును చూస్తే అసలు మనిషేనా అని అనిపిస్తోందని జగన్ అన్నారు. రామలసీమలోని ప్రాజెక్టులు మళ్లీ పుష్కలమైన నీళ్లతో కళకళలాడేందుకు చర్యలు తీసుకుంటున్నట్టు ఆయన తెలిపారు.

tags : jgan, projects

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info