A News Website
ksr
Home Books About US Contact US
 
 
 
 
 
ఒకేరోజు వంద టి.ఎమ్.సి ల నీరు వచ్చింది
Share |
August 5 2020, 5:01 am

పదేళ్ల తర్వాత శ్రీశైలం రిజర్వాయిర్ లోకి పూర్తి స్థాయిలో నీరు రావడం, నాగార్జున సాగర్ కూడా నిండుతుండడం తో అంతా హర్షం వ్యక్తం అవుతోంది. 2009 తర్వాత రికార్డు స్థాయి వరద నమోదవుతోంది. ఆదివారం సాయంత్రం 5గంటలకు జూరాల నుంచి శ్రీశైలానికి 8,54,699 క్యూసెక్కులు విడుదల చేశారు. శ్రీశైలం జలాశయం గరిష్ఠ నీటిమట్టం 885అడుగులు. 879.6 అడుగుల వద్ద నీటిని నిల్వచేసి, మిగిలిన వరదను దిగువకు వదులుతున్నారు. మొత్తం 12 క్రస్ట్‌గేట్లకు గాను పదిగేట్లు 33అడుగులమేర ఎత్తి 7,79,730 క్యూసెక్కులు సాగర్‌కు వదులుతున్నారు. .శ్రీశైలంలోకి సోమవారం ఒకేరోజు సుమారు 11 లక్షల క్యూసెక్కులకు పైగా నీటిప్రవాహం వచ్చే అవకాశం ఉంది. ఈ నీరంతా దిగువకు అంటే, సాగర్‌లోకి విడుదల రానున్నందున ఈ రిజర్వాయర్‌ పూర్తిగా నిండనుంది. కృష్ణానదిలో ఆదివారం సుమారు 100టీఎంసీల వరద ఉంది. ఆదివారం రాత్రి వరకు సాగర్‌లో నీటినిల్వ 200 టీఎంసీలు దాటనుంది. సోమవారం ఉదయం 8గంటలకు సాగర్‌లోని నాలుగు క్రస్ట్‌గేట్లను ఎత్తనున్నారు. తుంగభద్ర జలాశయానికి వరద ఉప్పొంగుతోంది.

tags : srisailam

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info