A News Website
ksr
Home Books About US Contact US
 
 
 
 
 
డేటా చౌర్యం కేసు- దేశ భద్రతకే ప్రమాదం
Share |
June 16 2019, 2:00 am

ఐటి గ్రిడ్స్ డేటా చౌర్యం కేసులో దేశ భద్రతకు సంబందించిన అంశం కూడా ఇమిడి ఉందని ఆదార్ సంస్థ డిప్యూటీ డైరెక్టర్ భవాని ప్రసాద్ పోలీసులకు ఇచ్చిన పిర్యాదులో పేర్కొన్న తీరు సంచలనంగా ఉంది. ‘యూనిక్‌ ఐడీ(ఆధార్‌) అనేది రాష్ట్రానికి సంబంధించినది కాదు. అది పూర్తిగా కేంద్ర పరిధిలోనిది. పౌరుల ఆధార్‌ ఐడీని టీడీపీ సేవామిత్ర యాప్‌ కోసం లింక్‌ చేయడం జాతీయ భద్రతకు ప్రమాదకరమైన అంశంగా పరిగణించాలి. దీన్ని కేవలం ఏపీ, తెలంగాణ ప్రజలకు సంబంధించిన అంశంగా చూడకూడదు. ఈ రెండు రాష్ట్రాల పౌరుల ఆధార్, ఓటర్, తదితర వ్యక్తిగత సమాచారం డేటా చోరీ జరిగింది. ఈ సమాచారం దేశంలో, ప్రపంచ వ్యాప్తంగా ఉండే నేరస్తుల చేతికి చిక్కితే అంతర్జాతీయ మూకుమ్మడి నేరాలకు అవకాశం ఇచ్చినట్టు అవుతుంది. ఆధార్‌తోపాటు ప్రజలకు సంబంధించిన మరో 17 కీలక అంశాలు కూడా చోరీ చేసినట్లు ఎఫ్‌ఎస్‌ఎల్‌ నిర్ధారించింది. ప్రజల వ్యక్తిగత సమాచారం ఇలా ఐటీ గ్రిడ్స్‌కు ఇవ్వడం పెద్ద నేరం. అసలు సేవామిత్ర అప్లికేషన్‌పైనే గట్టి అనుమానాలున్నాయి. దీనిపై మరింత లోతుగా దర్యాప్తు జరగాలి’అని భవానీప్రసాద్‌ తన రిపోర్టులో పేర్కొనడం గమనార్హం.

tags : aadhar

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info