A News Website
ksr
Home Books About US Contact US
 
 
 
 
 
ప్రముఖ నటి సంగీత , ఆమె తల్లి మద్య వివాదం
Share |
June 16 2019, 2:01 am

ప్రముఖ నటి సంగీత కు ,ఆమె తల్లి భానుమతి మద్య వివాదం రోడ్కెక్కింది. తనను ఇంటి నుంచి వెళ్లిపోవాలని కుమార్తె బలవంతం చేస్తోందని భానుమతి తమిళనాడు మహిళా కమిషన్‌కు ఫిర్యాదు చేశారు. తను కష్టపడి సంపాదించుకున్న ఆస్తిని దోచేయాలనే ఉద్దేశంతో సంగీత ఇలా చేస్తోందని ఆరోపించారు.సోషల్ మీడియాలో సంగీతపై వ్యతిరేక ప్రచారం వస్తుండడంతో ఆమె స్పందించారు. తన తల్లి భానుమతి ఖాళీ చెక్కులపై తనతో సంతకాలు చేయించుకున్నారని ఆరోపించారు. అంతేకాక అమ్మను ఉద్దేశించి కొన్ని వ్యాఖ్యలు చేస్తూ తనను ఎలా చిన్నతనం నుంచి ఎలా వేదించింది వివరించే యత్నం చేసింది. కొంత వ్యంగ్య భాషలో ఆమె వ్యాఖ్యానించిన తీరు ఆసక్తికరంగా ఉంది.తనను కన్నందుకు ధన్యవాదాలు అంటూ నన్ను పాఠశాలకు దూరం చేసి, 13 ఏళ్ల వయసు నుంచే పని చేయించినందుకు కృతజ్ఞతలు. నాతో ఖాళీ చెక్కులపై సంతకాలు చేయించినందుకు థాంక్స్‌. మద్యం, డ్రగ్స్‌కు బానిసై, జీవితంలో ఏ రోజూ పనికి వెళ్లని నీ కుమారుడి సౌకర్యాల కోసం నన్ను దోపిడీ చేసినందుకు ధన్యవాదాలు. నీ నిర్ణయాలకు అడ్డు రాకుండా మన సొంత ఇంటిలోనే నన్ను ఓ మూలన ఉంచినందుకు కృతజ్ఞతలు. నేను పోరాడే వరకూ నాకు పెళ్లి చేయకుండా ఉన్నందుకు థాంక్స్‌. నన్ను, నా భర్తను నిరంతరం వేధిస్తూ మా కుటుంబ ప్రశాంతతను దూరం చేసినందుకు ధన్యవాదాలు. ఓ తల్లి ఇలా ఉండకూడదని నాకు తెలియజేసినందుకు కృతజ్ఞతలు. చివరిగా.. నువ్వు చేసిన తప్పుడు ఆరోపణలకు థాంక్స్‌.అని ఆమె అన్నారు. ఇప్పుడు తనను ఒక పోరాట మహిళగా మార్చిందని సంగీత పేర్కొన్నారు.

tags : sangeeta

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info