A News Website
ksr
Home Books About US Contact US
 
 
 
 
 
నవరత్నాలు లేవు..చంద్రబాబు గాలి హామీలు లేవు
Share |
April 20 2019, 1:56 am

వైఎస్ఆర్ కాంగ్రెస్ పార్టీలాగా మ‌న‌ ద‌గ్గ‌ర న‌వ‌ర‌త్నాలు లేవు. ముఖ్య‌మంత్రి
చంద్ర‌బాబు గారిలా గాల్లో మేడ‌లు క‌ట్టే హామీలు ఇవ్వ‌ను. జ‌న‌సేన పార్టీ అమ‌లు
చేయ‌గ‌లిగే హామీల‌ను మాత్ర‌మే ఇస్తుంది అని జనసేన అదినేత పవన్ కళ్యాణ్ అన్నారు.ఎన్నికల ప్రచార సభలలో ఆయన మాట్లాడారు. 2019లో జ‌న‌సేన పార్టీ ప్ర‌భుత్వాన్ని ఏర్పాటు చేస్తే యువ‌త భ‌విష్య‌త్త‌కు ప్రాధాన్యం ఇస్తాం. స్పెష‌ల్ అగ్రిక‌ల్చ‌ర్
జోన్లు ఏర్పాటు చేసి ల‌క్ష‌మంది యువ‌రైతుల‌ను త‌యారు చేస్తాం. 3 ల‌క్ష‌ల బ్యాక్
లాగ్ పోస్టుల‌ను ఆరు నెల‌ల్లో భ‌ర్తీ చేస్తాం. పోలీస్ శాఖ‌లో ఖాళీగా ఉన్న పోస్టుల‌ను
భ‌ర్తీ చేయ‌డంతో పాటు బ‌ల‌మైన ర‌క్ష‌ణ వ్య‌వ‌స్థ కోసం 25వేల మందితో స్పెష‌ల్
పోలీస్ ఉద్యోగాలకు నోటిఫికేష‌న్ జారీ చేస్తాం. రాష్ట్రంలో మూత‌ప‌డ్డ స‌హ‌కార
రంగంలో ఉన్న అన్ని మిల్లుల‌ను తెరిపిస్తాం. ప‌రిశ్ర‌మ‌ల ఆస్తులు రాజ‌కీయ నాయ‌కులు
దోచేయ‌కుండా చ‌ర్య‌లు తీసుకుంటాం. ముఖ్య‌మంత్రిగా ప్రమాణ స్వీకారం చేసిన
మ‌రుక్ష‌ణ‌మే నా మొద‌టి సంత‌కాన్ని రైతుల‌కి నెల‌కి రూ. 5 వేల ఫించ‌న్ ఇచ్చే ప‌థ‌కం మీద పెట్టాల‌ని నిర్ణ‌యించుకున్నా. దీంతో పాటు ఎలాంటి హామీ ప‌త్రాలు లేకుండా
రైతులంద‌రికీ ఏడాదికి ఎక‌రానికి రూ. 8 వేల చొప్పున సాగు సాయం అంద‌చేస్తాం. కుటుంబ
స‌భ్యుల సంఖ్య ఆధారంగా, ఆదాయంతో సంబంధం లేకుండా ఆడ‌ప‌డుచుల‌కు ఉచిత గ్యాస్
అందించే ప‌థ‌కం మీద రెండో సంత‌కం చేస్తాం. ఏడాదికి ఆరు నుంచి ప‌ది సిలిండ‌ర్లు ఉచితంగా జ‌న‌సేన ప్ర‌భుత్వం అంద‌చేస్తుంది. త‌దుప‌రి సంత‌కం రేష‌న్ బియ్యం, ప‌నికిరాని
పామాయిల్‌తో ఇబ్బందులు ప‌డుతున్న మీ కోసం రేష‌న్‌కి బ‌దులు రూ. 2500 నుంచి రూ. 3500 వంద‌లు మ‌హిళ‌ల ఖాతాల‌కి జ‌మ చేసే ప‌థ‌కంపై పెడ‌తానని హామీ ఇచ్చారు. నా తండ్రి వార‌స‌త్వంగా వేల‌కోట్లు, వేల ఎక‌రాలు ఇవ్వ‌లేదు. కుదిరితే 10 మందికి మంచి చేయ‌మ‌ని,ధ‌ర్మంగా బ‌త‌క‌మ‌ని చెప్పారు. మీకు ఓటుకు డ‌బ్బులు ఇవ్వ‌లేను కానీ.. మీ భ‌విష్య‌త్తు కోసం నా భ‌విష్య‌త్త‌ను ప‌ణంగా పెడ‌తాను. అని పవన్ కళ్యాణ్ పేర్కొన్నారు.

tags : pawankalyan, promises

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info