A News Website
ksr
Home Books About US Contact US
 
 
 
 
 
బాబుకే అబద్ధాల ‘అస్కార్ ఆవార్డు’ !-వాసిరెడ్డి స్టోరీ
Share |
June 17 2019, 2:35 pm

చంద్రబాబుకే అబద్ధాల ‘అస్కార్ ఆవార్డు’ !అంటూ వాసిరెడ్డి శ్రీనివాస్ తెలుగు గేట్ వే లో రాసిన కదనం ఇది.

అబద్ధాలకే ‘ఆస్కార్ అవార్డు’ ఉంటే దేశంలోనే ఏకగ్రీవంగా ఈ అవార్డు దక్కించుకునే వ్యక్తి టీడీపీ అధినేత, ఏపీ ముఖ్యమంత్రి చంద్రబాబునాయుడే. ఎందుకంటే ఏ విషయంలో అయినా ఆయన అంత అలవోకగా అబద్ధాలు చెప్పగలరు. అనుభవం ఉన్న నేత అని ఏపీ ప్రజలు ఎన్నో ఆశలు పెట్టుకుని రాష్ట్ర విభజన తర్వాత గెలిపిస్తే ఇప్పుడు ఏపీ ప్రజలను చంద్రబాబు వంచిస్తున్న తీరు మామూలుగా లేదు. అధికారంలోకి వచ్చినప్పటి నుంచి ‘ఏపీ రాజధానిని సింగపూర్ సంస్థలే నిర్మిస్తాయని పదే పదే ప్రకటించారు. దేశీయ సంస్థలు మురికివాడలు కట్టగలవు. కానీ ప్రపంచ స్థాయి రాజధాని కావాలంటే సింగపూర్ సంస్థలే కట్టాలంటూ ‘వీడియోల’ సాక్షిగా చెప్పారు. కానీ ఎంచక్కా రాజధాని నిర్మాణ పనులను దేశీయ కంపెనీలకు అప్పగించేసి..ఇప్పుడు మాత్రం చంద్రబాబు కొత్త మాట ఎత్తుకున్నారు. అదేంటి? అంటే…‘రాజధాని అమరావతిని సింగపూర్ తరహాలో అభివృద్ధి చేస్తానని ఎన్నికల్లో ఇఛ్చిన హామీని నిలబెట్టుకుంటున్నాను’ అని.

ప్రభుత్వంలోకి వచ్చాక సింగపూర్ కంపెనీలు రాజధాని కడతాయని..తన ఇమేజ్ చూసే రాష్ట్రానికి ఇలాంటి కంపెనీలు వచ్చాయని ఊదరగొట్టారు. ఇప్పుడు సింగపూర్ కంపెనీలను పక్కన పెట్టి సింగపూర్ లా అభివృద్ధి చేస్తానని చెప్పినట్లు మాట మార్చారు. ఏపీ ముఖ్యమంత్రి చంద్రబాబునాయుడు స్విస్ ఛాలెంజ్ మోడల్ లో సింగపూర్ సంస్థలకు వేల కోట్ల రూపాయలు దోచిపెట్టడానికి రెడీ అయినా..ఆయన మళ్ళీ అధికారంలోకి వస్తారో రారో అనే అనుమానంతో ఇప్పటి వరకూ ఆ కంపెనీలు అసలు పనులే మొదలుపెట్టలేదు. పైగా ఇప్పుడు ఆ కంపెనీలతో కలసి తాము కట్టబోయే భవనాలు ఎలా ఉండబోతున్నాయో ‘సినిమా’ చూపించేందుకు చంద్రబాబు రెడీ అయిపోయారు. ఈ సినిమా గ్యాలరీని చూపించి..తాను అధికారంలోకి వస్తేనే ఇది పూర్తవుతుందని..లేకపోతే ఆగిపోతుందని ప్రజలను నమ్మించేందుకు రెడీ అయిపోయారు.
కానీ రాజధాని సింగపూర్ కంపెనీలతో కట్టిస్తానన్నారు కదా?.. ఇదే రాజధాని అంటూ బొమ్మలు చూపించారు కదా?.అవి ఎక్కడ అని చంద్రబాబును అడిగేవారు ఎవరూ లేరు?. అందుకే ఆయన అలా అబద్ధాలు హాయిగా చెప్పుకుంటూ ముందుకు సాగుతున్నారు. వాస్తవానికి సింగపూర్ కంపెనీలు కట్టేది ప్రైవేట్ వ్యాపార భవనాలు. అవి అద్దెకు ఇచ్చుకునేందుకు..అమ్ముకునేందుకే. అయినా సరే ఆ సంస్థలకు రైతుల దగ్గర నుంచి సేకరించిన భూమి ఇవ్వటంతోపాటు…వేల కోట్ల రూపాయల ప్రజల సొమ్ముతో మౌలికసదుపాయాలు కల్పించనున్నారు. అయినా సరే ఇప్పటివరకూ అడుగు ముందుపడలేదు. కానీ ఇప్పుడు కొత్త సినిమా కథ చూపించటానికి రెడీ అయ్యారు.

tags : vasireddy babu

Latest News
*జగన్ అలా చేయడం నచ్చిందన్న జెసి
*కాళేశ్వరంపై మీ వైఖరి ఏమిటి?టిడిపి ప్రశ్న
*ఐదేళ్లలో చాలా అభివృద్ది చేశాం-అచ్చెన్న వాదన
*రజనీకాంత్ తో పొత్తు కోసం బిజెపి ప్రయత్నాలు
*టిడిపి హయాంలో దౌర్బాగ్య పాలన సాగింది
*నేడు సచివాలయ భవనాల అప్పగింత
*టిఆర్ఎస్ బిజెపి ప్రత్యామ్నాయమా-భ్రమ
*ఎటిఎమ్ లు ఇలా ఏర్పాటు చేయాలి
*విభజన హామీలు అమలుచేయాలని కోరాం
*కాంగ్రెస్ కు పెద్ద చికిత్స అవసరం
*వాళ్లను జంతువుల్లా చూస్తారా-హైకోర్టు ఆగ్రహం
*అచ్చెన్నాయుడు పొరపాటున గెలిచారు
*రాజదానికి వచ్చామంటే..అచ్చెన్నాయుడు
*టిడిపి నేతల గుట్టు విప్పిన కాకాణి
*ప్రజలు ఛీకొట్టినా ఇంకా సి.ఎమ్. అనుకుంటున్నారు
*ఎయిర్ పోర్టులో చంద్రబాబు తనిఖీలు కరెక్టే-ఐజి
*చంద్రబాబుకు ఓటమి కారణాలు తెలియడం లేదా
*డాలస్ లో అన్నదాత సుఖీభవ !
*రైళ్లలో మసాజ్ సేవలా...తూచ్
*ప్రభుత్వ,ప్రైవేటు ఆస్పత్రులలో ఒపి సేవలు బంద్
*బిజెపి మైండ్ గేమ్ ఆరంబించిందా
 
 
 
 
 
 
 
 
   
     

 
 
Privacy Policy | copyright © 2011 www.kommineni.info