A News Website
ksr
Home Books About US Contact US
 
 
 
 
 
మోడీ మిత్రుడికి బాబు భారీ బొనాంజా
Share |
June 17 2019, 2:15 pm

మోడీ మిత్రుడికి బాబు భారీ బొనాంజా!అంటూ వాసిరెడ్డి శ్రీనివాస్ తెలుగు గేట్ వేలో రాసిన కధనం ఇది.
..................

గౌతమ్ అదానీ. దేశంలోనే ప్రముఖ పారిశ్రామికవేత్త. ఆయన భారత ప్రధాని నరేంద్రమోడీకి అత్యంత సన్నిహితుడని రాజకీయ వర్గాల్లో జోరుగా ప్రచారం. కాంగ్రెస్ పార్టీ అయితే పలుమార్లు ఈ అంశంపై నేరుగానే విమర్శలు చేసింది. మోడీ పనిచేసేది అదానీ..అంబానీల కోసమేనంటూ. నిత్యం ప్రధాని నరేంద్రమోడీతో కయ్యానికి కాలుదువ్వుతున్న ఏపీ ముఖ్యమంత్రి చంద్రబాబునాయుడు ఇప్పుడు అదానీ గ్రూపునకు చెందిన గౌతమ్ అదానీకి భారీ ఎత్తున లబ్ది చేకూర్చిపెట్టడానికి రెడీ అయ్యారు. ఈ మేరకు ఆయన అదానీ గ్రూప్ తో బుధవారం నాడు ఒప్పందాలు కూడా చేసుకున్నారు. ఈ గ్రూప్ సంస్థ ఏర్పాటు చేయబోయే డాటా సెంటర్లతోపాటు…సోలార్ పార్క్ లకు ఏపీ సర్కారు భారీ ఎత్తున రాయితీలు..ప్రోత్సాహకాలు ఇవ్వబోతోంది. మొత్తం ఐదు వందల ఎకరాల్లో ఈ ప్రాజెక్టులు ఏర్పాటు కానున్నాయి.

ఈ ప్రాజెక్టులకు అవసరం అయిన భూమిని విశాఖపట్నంలోని అత్యంత ఖరీదైన కాపులుప్పాడ, నక్కపల్లితోపాటు కొంత మొత్తాన్ని విజయనగరం జిల్లాలో కూడా కేటాయించనున్నారు. అయితే అదానీ సంస్థకు ప్రభుత్వం ఎంత రేటుకు…ఎక్కడెక్కడ భూములు కేటాయిస్తున్నారనే అంశాన్ని మాత్రం వెల్లడించలేదు. ఈ సంస్థకు ఇచ్చే రాయితీలు..ప్రోత్సాహకాలు కూడా భారీ ఎత్తున ఉండబోతున్నాయని అధికార వర్గాలు చెబుతున్నారు. భూమి ధరతోపాటు రాయితీలు కలుపుకుంటే ఇది వందల కోట్లలోనే ఉంటుందని చెబుతున్నారు. ఏపీకి వచ్చే పరిశ్రమలను ప్రధాని నరేంద్రమోడీ అడ్డుకుంటున్నారని ఏపీ ముఖ్యమంత్రి చంద్రబాబునాయుడు, మంత్రి నారా లోకేష్ లు పలుమార్లు బహిరంగంగా ప్రకటించారు.
అలాంటిది ఏపీలో తన మిత్రుడు ఏకంగా 70 వేల కోట్ల రూపాయలు పెట్టుబడి పెడతానంటే ఓకే అని పంపిస్తారా?. అసలు దీని వెనక కథ ఏముంది?. చంద్రబాబే అదానీ కంపెనీకి అడ్డగోలుగా మేలు చేసి పెట్టి మోడీతో రాజీకి వెళుతున్నారా?. లేక అదానీకి ఓడరేవుతో పాటు అదానీ తలపెట్టే ఈ ప్రాజెక్టుకు ప్రజల సొమ్మును ధారబోసి తన రాజకీయ అవసరాలకు వాడుకోవాలనుకుంటున్నారా?. చట్టబద్దంగా ఏపీకి రావాల్సినవే మోడీ అడ్డుకుంటున్నారని చెబుతున్న చంద్రబాబు అండ్ కో…స్వయంగా మోడీ ఎంత చెపితే అంత వింటారనే ప్రచారంలో ఉన్న అదానీనీ ఏపీకి అంత భారీ పెట్టుబడులు పెట్టడానికి ఎందుకు అనుమతిస్తారు? అని ఓ అధికారి వ్యాఖ్యానించారు. అయితే ఈ డేటా సెంటర్లు ఏర్పాటు పూర్తయితే రాష్ట్రానికి ఎంతో ప్రయోజనం ఉంటుందని..యువతకు ఉపాధి అవకాశాలు కూడా పెరుగుతాయని అన్నారు.

tags : ap,modi, babu, bonanja

Latest News
*జగన్ అలా చేయడం నచ్చిందన్న జెసి
*కాళేశ్వరంపై మీ వైఖరి ఏమిటి?టిడిపి ప్రశ్న
*ఐదేళ్లలో చాలా అభివృద్ది చేశాం-అచ్చెన్న వాదన
*రజనీకాంత్ తో పొత్తు కోసం బిజెపి ప్రయత్నాలు
*టిడిపి హయాంలో దౌర్బాగ్య పాలన సాగింది
*నేడు సచివాలయ భవనాల అప్పగింత
*టిఆర్ఎస్ బిజెపి ప్రత్యామ్నాయమా-భ్రమ
*ఎటిఎమ్ లు ఇలా ఏర్పాటు చేయాలి
*విభజన హామీలు అమలుచేయాలని కోరాం
*కాంగ్రెస్ కు పెద్ద చికిత్స అవసరం
*వాళ్లను జంతువుల్లా చూస్తారా-హైకోర్టు ఆగ్రహం
*అచ్చెన్నాయుడు పొరపాటున గెలిచారు
*రాజదానికి వచ్చామంటే..అచ్చెన్నాయుడు
*టిడిపి నేతల గుట్టు విప్పిన కాకాణి
*ప్రజలు ఛీకొట్టినా ఇంకా సి.ఎమ్. అనుకుంటున్నారు
*ఎయిర్ పోర్టులో చంద్రబాబు తనిఖీలు కరెక్టే-ఐజి
*చంద్రబాబుకు ఓటమి కారణాలు తెలియడం లేదా
*డాలస్ లో అన్నదాత సుఖీభవ !
*రైళ్లలో మసాజ్ సేవలా...తూచ్
*ప్రభుత్వ,ప్రైవేటు ఆస్పత్రులలో ఒపి సేవలు బంద్
*బిజెపి మైండ్ గేమ్ ఆరంబించిందా
 
 
 
 
 
 
 
 
   
     

 
 
Privacy Policy | copyright © 2011 www.kommineni.info