A News Website
ksr
Home Books About US Contact US
 
 
 
 
 
బిసి వెలమలకోసం కార్పొరేషన్ -జగన్ హామీ
Share |
January 18 2019, 12:35 pm

వెనుకబడిన తరగతులలో ఉన్న వెలమ కులస్తులకోసం ఒక కార్పొరేషన్ ఏర్పాటు చేస్తామని విపక్ష నేత జగన్ హామీ ఇచ్చారు. ప్రజా సంకల్ప యాత్రలో ఆ వర్గం వారు ఆయనను కలిశారు వెలమ కులానికి చెందిన వివిధ సంఘాల ప్రతినిధులు వైఎస్‌ జగన్‌ను కలిసి తమకూ కార్పొరేషన్‌ ఏర్పాటుచేయాలని కోరారు. జాతీయ వెలమ యూత్‌ (శ్రీకాకుళం), బీసీ వెలమ సంక్షేమ సంఘం (విజయనగరం జిల్లా), వెలమ కార్పొరేషన్‌ జేఏసీ (విశాఖ) ప్రతినిధులు ఈ మేరకు వినతిపత్రాలిచ్చారు. సామాజికంగా, ఆర్థికంగా వెనుకబడిన వెలమల అభివృద్ధికి కార్పొరేషన్‌ ఏర్పాటు చేయాలని కోరారు. తాము ఎక్కువగా ఉన్న ప్రాంతాల్లో అసెంబ్లీ, పార్లమెంటు సీట్లివ్వాలని, ప్రతి జిల్లాలో వెలమ సంక్షేమ భవనాలను నిర్మించి హాస్టల్‌ వసతి కల్పించాలని కోరారు. వెలమలకు ప్రత్యేక కార్పొరేషన్‌ ఏర్పాటు చేస్తామని వైఎస్‌ జగన్‌ వారికి హామీ ఇవ్వడంతో ఆయా సంఘాల ప్రతినిధులు హర్షం వ్యక్తం చేశారు. జగన్‌ను కలిసిన వారిలో వెలమ సంఘాల ప్రతినిధులు టి.సత్యనారాయణ, బండారు సతీష్‌కుమార్, డి.రామ్‌ప్రసాద్, సిరిపురపు గౌరీశంకర్, కోరుపోలు సత్యారావు, నర్సింగరావు తదితరులున్నారు.

tags : jagan, velama,corporation

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info