A News Website
ksr
Home Books About US Contact US
 
 
 
 
 
కాంగ్రెస్ కు చంద్రబాబు దత్తపుత్రుడయ్యారు
Share |
August 21 2019, 9:12 am

సోనియాగాంధీని ఇటలీ మాఫియా, అవినీతి అనకొండ అని ఎన్నోసార్లు విమర్శించిన చంద్రబాబు ఇప్పుడు కాంగ్రెస్‌కు దత్తపుత్రుడు అయ్యారని మంత్రి కెటిఆర్ విమర్శించారు. తెలంగాణలోని కాంగ్రెస్‌ నేతలు ఉత్త ఉత్తర పుత్రులేనని కాంగ్రెస్‌ అధిష్టానం గ్రహించడం వల్లే చంద్రబాబుతో పొత్తు పెట్టుకున్నారని పేర్కొన్నారు. అసెంబ్లీ ఎన్నికల తర్వాత లోక్‌సభ ఎన్నికలకు మూడు నెలల సమయం మాత్రమే ఉంటుందని జోస్యం చెప్పారు. ఎక్కువ మంది రాజకీయ నేతలు ఎన్నికలప్పుడు రాజకీయాలు చేస్తారు. చంద్రబాబు అయితే ప్రతీది రాజకీయమే చేస్తారు. జగన్‌పై దాడి చేసిన గంటలో ఏపీ మంత్రి లోకేష్‌ ఖండిస్తూ ట్వీట్‌ చేశారు. నేను మధ్యాహ్నం మూడున్నర ప్రాంతంలో ఖండిస్తూ ట్వీట్‌ చేశా. దీనికే టీఆర్‌ఎస్, బీజేపీకి లింకు పెట్టి మాట్లాడారు. ఐటీ దాడులు సహజంగా జరుగుతాయి.ఈ విషయంలోనూ చంద్రబాబు రాజకీయం చేస్తున్నారు. మోదీని తానే దించుతాననే స్థితిలో మాట్లాడుతున్నారు. చంద్రబాబు మానసిక భయాందోళనలో, ఆయనతోనే అంతా జరుగుతుందనే మానసికస్థితిలో ఉన్నారు. బీజేపీతో నాలుగేళ్లు కలిసి ఉన్న ఆయన ఇప్పుడు మాపై విమర్శలు చేస్తున్నారు. చంద్రబాబు దేశంలో ఒక్క వైఎస్సార్‌సీపీతో తప్ప అందరితో పొత్తు పెట్టుకున్నారు.అని కెటిఆర్ వ్యాఖ్యానించారు.

tags : ktr, congress

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info