A News Website
ksr
Home Books About US Contact US
 
 
 
 
 
గతంలో బిజెపిని బాబు ఏమన్నాడో గుర్తుందా..జగన్
Share |
January 22 2019, 3:08 am

చంద్రబాబు ప్రతి అడుగులోనూ మోసమేనని, ముస్లిం మైనారిటీలను మనుషులుగా చూడకుండా ఓటు బ్యాంకుగా చూశారని ప్రతిపక్ష నేత, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి విమర్శించారు. ఎన్నికల ప్రణాళిక మొదలు నంద్యాల ఉపఎన్నికల వరకు ఇచ్చిన ప్రతి హామీ మోసమేనన్నారు .విశాఖపట్నం తూర్పు నియోజకవర్గంలోని చినగదిలిలో జరిగిన ముస్లిం మైనారిటీల ఆత్మీయ సమ్మేళనంలో ఆయన ప్రసంగించారు. ఎన్నికలప్పుడు చంద్రబాబు మేనిఫెస్టోలో ఇచ్చిన ఒక్క హామీ కూడా నెరవేర్చలేదని మండిపడ్డారు. 2002లో ఇదే బీజేపీని తిట్టాడు. 2004లో అదే బీజేపీతో పొత్తు పెట్టుకున్నాడు. 2004 ఎన్నికల్లో ఓడిపోయాక.. బీజేపీతో పొత్తు పెట్టుకోవడం చరిత్రాత్మక తప్పిదమంటాడు. 2012లో అయితే ఏకంగా హైదరాబాద్‌లో ముస్లిం సోదరుల మీటింగ్‌ పెట్టి ముస్లిం డిక్లరేషన్‌ అని పేరు పెట్టి బీజేపీతో పొత్తు చరిత్రాత్మక తప్పిదమన్నాడు. రెండేళ్లు తిరగకముందే 2014లో ఇదే వ్యక్తి మోదీ గారి గాలి విపరీతంగా వీస్తుందని చెప్పి బీజేపీతో పొత్తు పెట్టుకున్నాడు. నాలుగన్నర సంవత్సరాల పాటు చిలకా గోరింకలా సంసారం చేశారు. ఒకరికొకరు పొగుడుకున్నారు. 2017 జనవరి 27న కేంద్ర ప్రభుత్వం దేశంలోనే ఏ రాష్ట్రానికి చేయని మేలు మన రాష్ట్రానికి చేసిందని ప్రెస్‌కాన్ఫరెన్స్‌లో గొప్పగా చెప్పకున్నాడు. ఇప్పుడు బీజేపీతో విడాకులు తీసుకున్న తర్వాత.. బాబుపై ఉన్న వ్యతిరేకతనంతా ఎవరిపైనో ఒకరిపైకి నెట్టేయాలని చూసి మళ్లీ మోదీపైనే వేస్తాడు. వాళ్లు సహకరించలేదు కనుక తను చేయలేకపోయానని డ్రామా మొదలు పెట్టాడు. అని ఆయన ద్వజమెత్తారు.

tags : jagan, bjo,muslims

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info