A News Website
ksr
Home Books About US Contact US
 
 
 
 
 
ఎర్రబెల్లికి ఇస్తారు..నాకు ఇవ్వరా-కొండా సురేఖ
Share |
September 21 2018, 7:13 am

మాజీ మంత్రి, టిఆర్ఎస్ ఎమ్మెల్యే కొండా సురేఖ నిరసన గళం విప్పారు. తనకు టిక్కెట్ ఇవ్వకుండా మహిళలను ,బిసిలను టిఆర్ఎస్ అవమానించిందని ఆమె ఆరోపించారు.తాను టిఆర్ఎస్ నుంచి ఎలాంటి రాజకీయ లాభం పొందలేదని, పార్టీ అభివృద్ది కోసమే పనిచేశానని ఆమె అన్నారు .ఎర్రబెల్లి దయాకరరావుకు టిక్కెట్ ఇచ్చి తనకు ఎందుకు ఇవ్వలేదని ఆమె ప్రశ్నించారు. టీఆర్‌ఎస్‌ గుర్తుపైనే గెలిచిన తాము చేదు అయ్యామని... కానీ టీడీపీ నుంచి వచ్చిన ఎర్రబెల్లి దయాకర్‌రావు ఎందుకు తీపి అయ్యారని ఆమె అన్నారు. ఎర్రబెల్లికి తనకు పడదని తెలిసినప్పటికీ ఆయన్ని టీఆరెస్‌లో చేర్చుకున్నారని, ఈ విషయంలో తమను కనీసం సంప్రదించలేదని ఆవేదన చెందారు. తాము రెండు సీట్లు అడిగామనడం అబద్ధమని... తమను పొమ్మనలేక పొగబెట్టారని ఆమె అన్నారు. భూపాలపల్లి టిక్కెట్ మదుసూదనాచారికి ఇవ్వకపోతే తమకు ఇవ్వాలని కోరామన్నారు. తమ క్యాడర్‌ కోరితేనే తాము భూపాలపల్లి వెళ్లినట్లు ఆమె చెప్పారు. టీఆర్‌ఎస్‌ పెద్దలు చెప్పే సమాధానంపై తమ భవిష్యత్‌ కార్యాచరణ ఉంటుందని, అవసరమైతే మూడు చోట్ల ఇండిపెండెంట్‌గా పోటీ చేస్తామని స్పష్టం చేశారు.కెటిఆర్ వల్లే టిక్కెట్ రాలేదని ఆమె అబిప్రాయపడ్డారు.

tags : surekha, errabelli

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info