A News Website
ksr
Home Books About US Contact US
 
 
 
 
 
టిడిపికి పోటీగా బిజెపి బుక్ లెట్
Share |
April 21 2018, 1:58 am

ఎపిలో తెలుగుదేశం వ్యతిరేక ప్రచారానికి పోటీగా బిజెపి కూడా పుస్తకాలు ముద్రించింది. గత నాలుగేళ్లలో కేంద్రం నుంచి అందిన సాయం గురించి ప్రజలకు తెలియజెప్పాలన్న ఆలోచనతో ‘ రాష్ట్రానికి కేంద్ర సహకారం’ అనే పేరుతో ఓ బుక్‌లెట్‌ను ఆ పార్టీ విడుదల చేసింది. భాజపా రాష్ట్ర అధ్యక్షుడు కంభంపాటి హరిబాబు విజయవాడలో ఈ బుక్‌లెట్‌ను విడుదల చేశారు.
ప్రజలకు వాస్తవాలు తెలియజేయాలనే బుక్‌లెట్‌ విడుదల చేశామని ఆయన చెప్పారు.కేంద్ర ప్రభుత్వంపై ఎపి ప్రభుత్వం చేస్తున్న ఆరోపణలను తిప్పి కొడుతూ ఈ బుక్ లెట్ తయారు చేశామని ఆయన వివరించారు. ఈ నాలుగేళ్లలో రాష్ట్రానికి కేంద్రం ఏం చేసిందో బుక్‌లెట్‌ రూపంలో ప్రజలకు అవగాహన కల్పిస్తాం. అసెంబ్లీలో కేంద్రంపై రాష్ట్ర ప్రభుత్వం చేసిన ఆరోపణలకు దీనిలో సమాధానం ఇచ్చాం. రాష్ట్ర ఆర్థిక పరిపుష్టి కోసమే ప్రత్యేక హోదా ఇస్తామన్నాం. హోదా సాధ్యం కాదని ప్రత్యేక నిధుల మంజూరుకు కేంద్రం అంగీకరించింది. హోదాతో ఐదేళ్లలో రూ.15వేల కోట్ల వరకు లబ్ధి చేకూరేది. ప్యాకేజీ రూపంలో అంతకంటే ఎక్కువ ఇచ్చేందుకు కేంద్రం సుముఖంగా ఉంది. ప్యాకేజీ ప్రకటించినప్పుడు రాష్ట్ర ప్రభుత్వం కేంద్రాన్ని అభినందించింది. కానీ ఇప్పుడు ప్రధాని రాష్ట్రానికి అన్యాయం చేశారని మాట్లాడుతున్నారని ఆయన మండిపడ్డారు.

tags : haribabu, book let

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info