A News Website
ksr
Home Books About US Contact US
 
 
 
 
 
చంద్రబాబుకు జ్ఞానోదయం అయిందనుకున్నా
Share |
September 25 2018, 3:07 am

ఎపి ముఖ్యమంత్రి చంద్రబాబు నాయుడుకు జ్ఞానోదయం అయిందనుకుంటే ఆయన మళ్లీ యదా ప్రకారం డ్రామా ఆడుతున్నారని విపక్ష నేత జగన్ అన్నారు. బాపట్లలో జరిగిన సభలో ఆయన మాట్లాడారు. జగన్ మాట్లాడుతూ ‘ప్రత్యేక హోదాను నీరుగార్చే నాటకాన్ని చంద్రబాబు ఈ మధ్య కాలంలో రక్తికట్టించారు. కేంద్ర మంత్రులను ఉపసంహరించడంతో కొద్దో గొప్పో జ్ఞానోదయం అయ్యిందనుకున్నాం. కానీ, ఎన్‌డీఏలోనే ఉంటారట. కన్వీనర్‌గా కొనసాగుతారట. అవిశ్వాసానికి మద్దతు ఇవ్వరట. ఎంపీలు రాజీనామా చేయరట. హోదా కావాలని రాష్ట్ర ప్రజలందరూ కోరుకుంటుంటే ఈ పెద్దమనిషి ఇలా మాట్లాడటం ధర్మమా? నిజాయితీ, చిత్తశుద్ధి లేకుండా వ్యవహరిస్తున్న ఈ వ్యక్తిని ఏమనాలి?’ మార్చి 21న అవిశ్వాసం పెడుతున్నామని, రాష్ట్ర ఎంపీలు 25 మంది ఒక్కటిగా నిలబడి పోరాడితే కేంద్రం దిగి వస్తుందన్నారు. ఈ తరహా పోరాటం చేసినా కేంద్రం దిగిరాక పోతే పార్లమెంట్‌ సమావేశాల చివరి రోజు ఏప్రిల్‌ 6న 25 మంది ఎంపీలు రాజీనామాలు చేసి వాళ్ల ముఖాన కొడితే ప్రత్యేక హోదా ఎందుకు ఇవ్వరని ఆయన ప్రశ్నించారు. పోరాటానికి ముందుకు రాకుండా నాటకాలు ఆడుతున్న చంద్రబాబుకు విలన్‌ విభాగంలో ఆస్కార్‌ అవార్డు ఇవ్వొచ్చని ఎద్దేవా చేశారు.

tags : jagan, chadnrababu

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info