A News Website
ksr
Home Books About US Contact US
 
 
 
 
 
అమరావతిలో 7వేల కోట్ల పెట్టుబడులు
Share |
June 24 2018, 12:47 am

విశాఖ పట్నం పెట్టుబడుల సదస్సులో మొదటి రోజు నలభైఒక్క వేల కోట్ల పెట్టుబడుల ఒప్పందాలు జరిగాయని ప్రభుత్వం ప్రకటించింది. అందులో రాజధాని అమరావతి ప్రాంతంలో ఏడువేల కోట్ల రూపాయల పెట్టుబడులు పెట్టడానికి అవగాహన కుదిరింది. అమరావతి, విజయవాడ నగరాల చుట్టూ నిర్మించే అవుటర్ రింగ్ రోడ్డు, రాజధాని ప్రాంతంలోని ఇతర మౌలిక వసతుల ప్రాజెక్టుల్లో రూ.7 వేల కోట్ల పెట్టుబడులు పెట్టేందుకు ఇటలీకి చెందిన అనాస్‌ ఇంటర్నేషనల్‌ ఎస్‌.పి.ఎ. సంస్థ ఒప్పందం చేసుకుంది. ముఖ్యమంత్రి చంద్రబాబు సమక్షంలో అనాస్‌ సంస్థకు చెందిన నికొలా చైరా, సీఆర్‌డీఏ కమిషనర్‌ చెరుకూరి శ్రీధర్‌ ఒప్పందంపై సంతకాలు చేశారు. ప్రారంభ సదస్సు వేదికపైనే రూ.5700 కోట్ల పెట్టుబడులకు సంబంధించి భారత ఆటోమొబైల్‌ మాన్యుఫాక్చరర్స్‌ సంఘం, ఆటోమోటివ్‌ కాంపొనెంట్స్‌ మాన్యుఫ్యాక్చరర్స్‌ సంఘంతో ఆంధ్రప్రదేశ్‌ ఆర్థికాభివృద్ధి బోర్డు(ఏపీఈడీపీ) ఒప్పందం చేసుకుంది. ఆ సంస్థ ప్రతినిధులు, ఏపీఈడీబీ సీఈఓ జాస్తి కృష్ణకిశోర్‌ ఒప్పంద పత్రాలు మార్చుకున్నారు.మొత్తం ఎనభై ఒప్పందాలు జరిగాయని ప్రకటించారు.

tags : ap,investments

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info