A News Website
ksr
Home Books About US Contact US
 
 
 
 
 
ఓ రిటైర్డ్ ప్రొఫెసర్ అంటూ కోదండరామ్పై కెటిఆర్..
Share |
August 22 2018, 8:47 am

కాంగ్రెస్ నేతలపై తెలంగాణ మున్సిపల్ మంత్రి కెటిఆర్ తీవ్రంగా విరుచుకుపడ్డారు. విద్యార్దులను అడ్డం పెట్టుకుని శిఖండి రాజకీయాలు చేస్తున్నారని ఆయన కాంగ్రెస్ నేతలపై మండిపడ్డారు. మహబూబ్ నగర్ లో ఆయన ప్రసంగించారు. కొలువుల కొట్లాట ఎవరి కొలువుల కోసమని ప్రశ్నించారు. గతంలో కేంద్ర మంత్రిపదవి అనుభవించిన జైపాల్‌రెడ్డి, రాష్ట్రంలో మంత్రులుగా ఉన్న జానారెడ్డి, ఉత్తమ్‌కుమార్‌రెడ్డి ఇప్పుడు పదవులు లేక అల్లాడుతున్నారని, వారికి మళ్లీ కొలువుల (పదవులు) కోసమే ఇప్పుడు కొట్లాట చేస్తున్నారని ఎద్దేవాచేశారు. తెలంగాణ బిడ్డలకు ఉద్యోగాలిచ్చేవరకూ తమ ప్రభుత్వం వెనుకకుపోదని స్పష్టంచేశారు. 2004 నుంచి 2014 వరకు పాలించిన కాంగ్రెస్ నేతలు 9 వేల నుంచి 10 వేల ఉద్యోగాలే ఇచ్చారని గుర్తుచేసిన కేటీఆర్.. తెలంగాణ ప్రజలు మాకిచ్చిన 60 నెలల పాలనాకాలంలో లక్షా12వేల ఉద్యోగాలిస్తాం. ఈ విషయంలో తెలంగాణ బిడ్డలు ఆందోళన చెందాల్సిన అవసరం లేదు అని భరోసానిచ్చారు. పిల్లలను అడ్డు పెట్టుకుని శిఖండి రాజకీయాలు చేస్తున్నారు. కొందరు ప్రతిపక్ష నేతలు ఓ రిటైర్డ్ ప్రొఫెసర్‌ను పట్టుకుని కొలువుల కొట్లాట అంటూ సొంత పదవులకోసం నాటకాలాడుతున్నారు. 60 ఏండ్ల పాలనలో తెలంగాణకు ఎంతో అన్యాయం చేశారు. తెలంగాణకు శనిలా తయారయ్యారు అని కెటిఆర్ విమర్శించారు.

tags : ktr, kodandaram

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info