A News Website
ksr
Home Books About US Contact US
 
 
 
 
 
ఆంధ్రజ్యోతి ఎమ.డి.కోర్టుకు గైర్ హాజర..కారణం ఇదా
Share |
September 25 2018, 3:12 am

పరువు నష్టం కేసులో ఆంద్రజ్యతి ఎమ్.డి. రాధాకృష్ణ , ఆ సంస్థ కు చెందిన మరో నలుగురు కోర్టుకు హాజరుకాకపోవడానికి చూపిన కారణం ఆశ్చర్యంగానే ఉంది. కోర్టు కూడా అదే ప్రకారం విస్మయం వ్యక్తం చేసిందని వార్త వచ్చింది.ఎదుటివారిపై పలు రకాలుగా వార్తలు రాసే మీడియా వారు తాము కోర్టుకు రాకపోవడానికి కారణం ఏమి చెప్పారంటే అసెంబ్లీ సమావేశాలు జరుగున్నాయని.మంగళగిరి ఎమ్మెల్యే ఆళ్ల రామకృష్ణారెడ్డి ఈ పరువు నష్టం కేసు దాఖలు చేశారు.ఏపీ ప్రత్యేక హోదా, కరువు అంశాలపై ప్రధానమంత్రి నరేంద్ర మోదీని కలిసిన సమయంలో ప్రతిపక్ష నేత వైఎస్‌ జగన్‌మోహన్‌రెడ్డిపై తప్పుడు కథనం ప్రచురించి, ఆయన పరువు ప్రతిష్టలను దెబ్బతీశారని,నాంపల్లి కోర్టు దీనిని విచారణకు స్వీకరించింది. ఈ కేసు విచారణకు హాజరు కావల్సిన రాధాకృష్ణ, ఎడిటర్‌ కె.శ్రీనివాస్, పబ్లిషర్‌ శేషగిరిరావు, మరో నలుగురు ఉద్యోగులు గైర్ హాజరయ్యారు.దీనిపై కోర్టు అసంతృప్తి వ్యక్తం చేసింది. మంగళవారం నాటి విచారణకు వారు హాజరు కాకుండా తమ న్యాయవాది ద్వారా పిటిషన్‌ దాఖలు చేయించారు. అసెంబ్లీ సమావేశాల కారణంగా తాము కోర్టు ముందు హాజరు కాలేపోతున్నామని అందులో పేర్కొన్నారు. అసెంబ్లీ సమావేశాలకు, వీరికి ఏం సంబంధం ఉందంటూ ఆశ్చర్యపోయింది. ఈ సమయంలో రామకృష్ణారెడ్డి తరఫు న్యాయవాది పొన్నవోలు సుధాకర్‌రెడ్డి స్పందిస్తూ... ఫిర్యాదుదారు ఎమ్మెల్యే అని, ఆయనే న్యాయస్థానం ముందు హాజరు కాగా, అసెంబ్లీతో సంబంధం లేని వ్యక్తులు మాత్రం గైర్హాజరయ్యారని వివరించారు. ఈ వాదనలను పరిగణనలోకి తీసుకున్న కోర్టు, తదుపరి విచారణకు వ్యక్తితంగా హాజరై తీరాలని రాధాకృష్ణ, శ్రీనివాస్, శేషగిరిరావు తదితరులకు ఆదేశాలు ఇచ్చింది.

tags : andhrajyothi, md, court, absent

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info