A News Website
ksr
Home Books About US Contact US
 
 
 
 
 
ఆత్మాభిమానం ఉన్న ఆంద్రులు ఎవరైనా సమర్దిస్తారా
Share |
December 10 2018, 11:16 pm

విభజన తర్వాత కాని, అంతకుముందు ఉమ్మడి ఆంద్రప్రదేశ్ రాష్ట్రంలో కాని జరగని సన్నివేశం ఇప్పుడు ఎపి శాసనసభలో ఆవిష్కృతం అయింది.ప్రతిపక్షం లేకుండానే అసెంబ్లీని నడిపించుకోవలసిన దుర్గతి అదికార తెలుగుదేశం పార్టీకి పట్టింది.ఇది వారికి ఎంతో అప్రతిష్ట తెచ్చే విషయమే. ఎందుకు విపక్ష వైఎస్ ఆర్ కాంగ్రెస్ అసెంబ్లీని బహిష్కరించిందో అందరికి తెలుసు. దిక్కుమాలిన అనైతిక ఫిరాయింపు రాజకీయాలను ముఖ్యమంత్రి చంద్రబాబు నాయుడు విలువలను వదలివేసి ప్రోత్సహిస్తుంటే,దానికి స్పీకర్ కోడెల శిశప్రసాదరావు వ్యక్తిత్వం వదలుకుని అండగా ఉంటున్నందుకు నిరసనగా వైసిసి ఈ నిర్ణయం తీసుకుంది. అదికార తెలుగుదేశం పార్టీ దీనిని ఊహించలేకపోయింది.దేశ వ్యాప్తంగా తెలుగుదేశం పార్టీకి ఇప్పుడు పరువు పోయే పరిస్థితి ఏర్పడింది. అనైతికంగా పిరాయింపులను అనుమతించబోనని ఆనాడు ఎన్.టి.రామారావు తెలుగుదేశం పార్టీని స్థాపించారు. తన పార్టీలో చేరదలచినవారు ఎమ్మెల్యే పదవికి రాజీనామా చేయవలసిందేనని ఆయన షరతు పెట్టారు.అలాంటి దశ నుంచి ఎమ్మెల్యేలను విచ్చలవిడిగా, చంద్రబాబే ఒక్కప్పుడు చెప్పినట్లు సంతలో పశువులను కొన్నట్లుగా అన్న దశకు తెలుగుదేశం పార్టీ దిగజారిపోవడం పార్టీ ఆవిర్భావం నుంచి అభిమానించేవారికి ఆవేదన కలిగిస్తుంది. చంద్రబాబు ఎటూ మొదటి నుంచి తెలుగుదేశంలో లేరు.ఆయన మామ ఎన్.టి.ఆర్.పైనే పోటీచేస్తానని తొడకొట్టి ఓడిపోయి, తదుపరి టిదిపిలో ప్రవేశించి ఆ పార్టీనే కబ్జా చేయగలిగారు.కాని యనమల రామకృష్ణుడు, కోడెల శివప్రసాదరావు వంటి వారు తెలుగుదేశంతోనే రాజకీయాలలోకి వచ్చారు. ఆ పార్టీలోనే పెరిగారు.వారు కూడా ఈ దిగజారుడు రాజకీయాలకు అలవాటుపడిపోవడం దురదృష్టకరం.పైగా కోడెల సమర్ధించుకుంటున్న తీరు మరింత శోచనీయంగా ఉంది. పిరాయింపులపై వైఎస్ ఆర్ కాంగ్రెస్ కోర్టుకు వెళ్లిందని, ఇప్పుడు తనపై నెపం వేస్తారా అని ఆయన అంటున్నారు.దానికి ముఖ్యమంత్రి చంద్రబాబు వంత పాడుతున్నారు. ఎప్పుడు వైసిపి కోర్టుకు వెళ్లింది.కోడెల నిష్క్రియా ప్రియంగా ఉంటే కాదా కోర్టుకు వెళ్లింది. ఎందువల్ల కోడెల కనీసం విచారణ కూడా జరపలేదు? దానికి ఆయన వద్ద సమాధానం ఉందా? ముఖ్యమంత్రి చంద్రబాబు స్వయంగా విపక్ష ఎమ్మెల్యేలకు పచ్చ కండువా కప్పడాన్ని కోడెల చూడలేదా?అంతేకాదు. వారికి ఆయన ఎక్కడ సీట్లు కేటాయించారు? కాని మరి ఎమ్మెల్యేల జాబితాలో వైసిపి ఎమ్మెల్యేలుగానే ఎందుకు పరిగణిస్తున్నారు. అలాంటప్పుడు వారిలో నలుగురు మంత్రులు ఎలా అయ్యారు.వీటన్నిటికి చంద్రబాబుకాని, కోడెల కాని సమాధానాలు చెప్పలేరు.ఎందుకంటే వారికి కూడా తెలుసు తాము తప్పు చేస్తున్నామని,నీతిమాలిన పని చేస్తున్నామని, ఇది రాజ్యాంగ వ్యవస్థలను చెరబట్టడమే అవుతుంది. కనుక ఏదో ఒకటి బొంకి తమ పబ్బం గడుపుకోవాలని అదికార తెలుగుదేశం కాని, స్పీకర్ వ్యవస్థ కాని చూస్తే అది అయ్యే పనికాదు. ఆంద్ర సమాజాన్ని ఫిరాయింపుల సమాజంగా మార్చాలనుకుంటున్నట్లుగా ఉంది.ఆత్మ గౌరవం కలిగిన ఆంద్రుడు ఎవరైనా దీనిని సహిస్తారా?

tags : ap,assembly, self respect

Latest News
*పటేల్ రాజీనామ-చంద్రబాబు ఫైర్
*మోటార్ సైకిల్ పై ఎందుకు వచ్చానంటే..అసద్
*రిజర్వు బ్యాంక్ గవర్నర్ రాజీనామా
*కేంద్ర మంత్రి పదవికి రాజీనామా
*ఈవిఎమ్ ల హాకింగ్- కాంగ్రెస్ నేత శ్రావణ్ డౌటు
*అమరావతిలో ప్రభుత్వ రియల్ ఎస్టేట్ బిజినెస్
*తెలంగాణకే కాదు..ఆంద్ర ప్రజలకు పరీక్షే- విశ్లేషణ
*ఉండవల్లికి కళ్లు తిరుగుతున్నాయి
*ఎపిలో ఎన్నికల ముందు మరో కొత్త స్కీమ్
*పార్టీ మారను-అదంతా కేంద్రం కుట్ర అట
*చంద్రబాబు-కట్టప్ప-బిజెపి
*క్షమాపణ కోరిన మాజీ ముఖ్యమంత్రి కుటుంబం
*తెలంగాణలో గబ్బిలాలను వాడిన నేతలు
*ఒడిషా లో కాంగ్రెస్ కోసం టిడిపి ప్లాన్ బి
*పోన్ చేసింది నిజమే కాని..కొండా వివరణ
*ప్రజా కూటమి ముందస్తు జాగ్రత్త
*రిజర్వు బ్యాంక్ గవర్నర్ రాజీనామా
*టిఆర్ఎస్ ఎమ్మెల్యే అభ్యర్ధికి కొండా ఫోన్
*టిఆర్ఎస్ కే మా మద్దతు- మజ్లిస్
*తెలంగాణలో కాంగ్రెస్ సి.ఎమ్. అభ్యర్దుల వెనుకంజ
*హంగ్ వస్తే ముందు మమ్మల్నే పిలవాలి-కూటమి
*తెలంగాణలో ఎవరు ఎటువైపు-ఇండియా టుడే
*అమరావతి అవినీతిమయం- మాజీ జస్టిస్
*అమరావతి-అంతర్జాతీయం-చంద్రబాబు
*ముస్లిం ప్రాంతాలంటేనే పోలీసులకు వివక్ష
*ఓట్ల లెక్కింపుపై కాంగ్రెస్ కొత్త డిమాండ్
*బిజెపికి టిఆర్ఎస్ బి టీమే..
*మహారాష్ట్ర కు షిర్డి ట్రస్టు 500 కోట్ల రుణం
 
 
 
 
 
 
 
 
   
     

 
 
Privacy Policy | copyright © 2011 www.kommineni.info