A News Website
ksr
Home Books About US Contact US
 
 
 
 
 
బాహుబలి మాదిరి ఏనుగు ఎక్కబోయి..
Share |
November 18 2018, 12:56 am

ప్రజల మీద సినిమాల ప్రభావం ఎంత తీవ్రంగా ఉంటుందో తెలుసుకోవడానికి ఇది ఒక ఉదాహరణ. కేరళలో ఒక వ్యక్తి బాహుబలి -ముగింపు సినిమా లో ఉన్న ఒక సన్నివేశాన్ని అనుకరించబోయి దెబ్బతిన్నాడు. కేరళ రాష్ట్రం ఇడుక్కిలోని తోడుపుజాలో సోమవారం ఈ ఘటన చోటు చేసుకుంది.
అతగాడు ఒక ఏనుగును మచ్చిక చేసుకునేందుకు గాను ముందుగా దానికి అరటిపళ్లను తినిపించాడట. ఆ తర్వాత మద్యం మత్తులో ఏనుగును రెండు సార్లు ముద్దు పెట్టుకున్నాడు. తదుపరి తొండంపై కాలు మోపి బాహుబలి సినిమాలోలా పైకి ఎక్కేందుకు యత్నించాడు. తొండంపై కాలు పెట్టడంతో కోపగించుకున్న ఏనుగు అతడిని విసిరికొట్టింది. దీంతో అంత దూరంలో ఎగిరిపడి స్పృహ కోల్పోయాడు.దానిని గమనించిన స్థానికులు అతనిని ఆస్పత్రికి తరలించారు.అతగాడు తాను ఏనుగు ఎక్కుతున్న దృశ్యాలను చిత్రీకరించాలని మరొకరికి పురమాయించి మరీ ఆ ప్రయత్నం చేశాడట. ప్రస్తుతం ఈ వీడియో సోషల్‌ మీడియాలో విస్తారంగా వ్యాప్తిలోకి వచ్చింది.

tags : bahubali, elephent

Latest News
 
 
 
 
 
 
 
 
   
     

 
 
Privacy Policy | copyright © 2011 www.kommineni.info