A News Website
ksr
Home Books About US Contact US
 
 
 
 
 
టీడీపీ సర్వీస్ అధికారిగా సీనియర్ ఐఏఎస్!
Share |
November 19 2017, 12:05 pm

టీడీపీ సర్వీస్ అధికారిగా సీనియర్ ఐఏఎస్!
అంటూ తెలుగు గేట్ వే లో వాసిరెడ్డి శ్రీనివాస్ ఇచ్చిన కధనం ఆసక్తికరంగా ఉంది...



ఆయన ఇండియన్ అడ్మిస్ట్రేటివ్ సర్వీస్ (ఐఏఎస్) అధికారి. కానీ ఆయన గత కొంత కాలంగా తెలుగుదేశం పార్టీ సర్వీస్ అధికారి (టీడీపీ) గా మారిపోయారు. ఏపీ ప్రభుత్వంలో ఆయన ప్రస్తుతం ‘ముఖ్య’ పాత్ర పోషిస్తున్నారు. విచిత్రం ఏమిటంటే అధికార తెలుగుదేశం పార్టీ నాయకులే అవాక్కయ్యే పరిస్థితి ఉంది ఆయన తీరు చూసి. అందుకే తెలుగుదేశం ప్రభుత్వంలో ఇప్పుడు మూడు అధికార కేంద్రాలు తయారయ్యాయని చెబుతున్నారు. అందులో ఒకటి ముఖ్యమంత్రి చంద్రబాబు అయితే..రెండవది సీఎం తనయుడు, మంత్రి నారా లోకేష్ ది. మూడవ అధికార కేంద్రం ఐఏఎస్ ..సారీ టీడీపీ సర్వీసు అధికారిదే అని ఆ పార్టీ ఎమ్మెల్యేలే వ్యాఖ్యానిస్తున్నారు. ఐఏఎస్ అధికారిగా ఉన్న ఆయన వ్యవహారం మరీ శృతి మించుతోందని..పార్టీ వ్యవహారాల్లో ఆయన తలదూర్చుతున్నారని కొంత మంది టీడీపీ ఎమ్మెల్యేలు తాజాగా యువనేతకు ఫిర్యాదు చేసినట్లు విశ్వసనీయ వర్గాలు తెలిపాయి. ఆయన కూడా ఈ వ్యవహారంపై సీరియస్ అయి..ఏదన్నా ఉంటే సీఎంకు చెప్పాలి..లేదంటే నాకు చెప్పాలి కానీ మధ్యలో ఆయన రోల్ మరీ ఎక్కువైపోతుందని వ్యాఖ్యానించినట్లు సమాచారం. గత కొన్ని రోజులుగా వీరిద్దరి మధ్య కూడా ‘గ్యాప్’ పెరిగిందని పార్టీ వర్గాలు చెబుతున్నాయి. ప్రభుత్వంలోని అత్యంత కీలకమైన పోస్టుల దగ్గర నుంచి ప్రతి విషయంలోనూ ఆయన పాత్ర ఉండాల్సిందే.

అందుకే నిత్యం ఆయన ఛాంబర్ నిండిపోయి ఉంటుందని….సచివాలయంలో ఏ మంత్రి దగ్గర కూడా ఉండనంత మంది ఆయన దగ్గర మాత్రం కన్పిస్తారని ఓ నేత వ్యాఖ్యానించారు. జిల్లాల్లో అధికారుల మార్పు దగ్గర నుంచి..రాజకీయ వ్యవహారాల్లో కూడా ఆయన తలదూర్చుతున్నారని అంటున్నారు. అయితే యువనేతకు ఈ తీరు ఏ మాత్రం నచ్చటంలేదని సమాచారం. ఆ ఐఏఎస్ మరీ అంత శక్తివంతమైన అధికార కేంద్రంగా మారటం అధికార వర్గాల్లో హాట్ టాపిక్ గా మారింది. అయితే కొంత మంది నేతల వాదన మాత్రం భిన్నంగా ఉంది. చాలా మంది అధికార పార్టీ ఎమ్మెల్యేలు..నేతలకు అటు సీఎం చంద్రబాబు..ఇటు మంత్రి లోకేష్ కూడా అందుబాటులో ఉండటంలేదని..అందుకే చాలా మంది అందుబాటులో ఉన్న ఆయన దగ్గరికి వెళ్ళి కావాల్సిన పనులు చేయించుకుంటున్నారని చెబుతున్నారు. ఇదే అదనుగా ఆయన తన ‘హవా’ను అన్ని రకాలు కొనసాగిస్తున్నారని చెబుతున్నారు.

tags : telugu gateway, tdp, ias

Latest News
*పాత బస్తీ లో ఒక్కసారి కూడా రాళ్లు విసరలేదు
*కెసిఆర్ వ్యూహాత్మ అడుగు-మోడీ వింటారా
*సెక్స్ వీడియోలు..తొందరపడ్డారు..హర్దిక్ పటేల్
*చిత్తశుద్ది ఉంటే వామపక్షాలు కాంగ్రెస్ తో కలవాలి
*ఎన్ కౌంటర్ భాష మాట్లాడిన ముఖ్యమంత్రి
*ఒకరికి ఒకే భ్యాంక్ ఖాతా-కీలక పరిణామం
*ఎమ్మెల్యేలను బిజెపి ఐదు కోట్లకు కొందట
*కశ్మీర్ లో ఉద్రిక్తత-6గురు ఉగ్రవాదులు హతం
*కెసిఆర్ వాటికే ప్రాధాన్యం ఇస్తున్నారు
 
 
 
 
 
 
 
 
   
     

 
 
Privacy Policy | copyright © 2011 www.kommineni.info